酒醉過後收執殘局

做人有時幾矛盾,一方面成日唔想諗得太多,
於是借酒澆愁,但同時間又怕酒醉過後如何自處,
識嘔都還好,最怕唔識嘔,不斷大叫"我無醉",於是
不斷飲,輕則打爛野,重則打傷人搞出事

某一年自己上司結婚,宴席間自己同事不斷叫我飲
紅酒,結果當然只係識同人講"我無醉",要兩個同事
合力送我返屋企

呢幾日自己有如飲醉酒的司機一樣,開車不斷撞傷人,
而家傷者甚多,至於與某人關係...作為一個醉酒鬧事
司機,被人釘牌罰錢甚至坐監都係預期之內,只望法官
點判,但心中有數,當你一腳一腳油車人心口,唔通人家
當無事發生

PS:今時今日已經唔再飲酒,一來怕醉,二來身體唔太好
,飲酒太傷身

常想一二

有時覺得返學讀書教既唔單係課本知識,而係人生道理

今日上課(教儒家,特別耶)舉了一個例子,就是張忠謀的
常想一二,不思八九,事事如意,人生不如意事十常八九,
如果只係不斷花時間去想唔開心既事,只會令個人越來
越謝,提早衰老

經濟環境急速轉差,雖然大家心理與錢包上都感到錢財
盡失,但今天你還在世,有生財能力,經濟總會回復原狀,
君不見早十年前亞洲金融風暴加SARS,大家都是這樣
過日子,當大家身經百戰後,今次海嘯之後回頭一望,不
值一提,最多大家只會慨嘆當年為何無買匯豐,點解唔
買番三五七個單位等升值

一場海嘯帶來了不少反思空間,除了如何監管金融機構,
或者經濟將會如何轉變外,更令人開始意識搵錢並不是
最重要,心靈滿足開始更為重要.特別當大家發覺原本一
個國家可以破產,一間公司可以蝕超過百多億,全球用了
十多萬億元資金去救經濟,一時間發覺人類被數字玩到
頭都大,到回到起碼大家只為一些數字不斷追求物質上
既開心,但這只是表面風光,經不起風浪沖擊

要令心靈滿足,首要條件乃放下自我,然後才能找尋自我
最喜愛的事和人,你,今天找到了嗎?

馬交個朋友

以前過澳門可謂大件事,雖距離香港只是一小時船程,但點都要
book定酒店房住番一晚,以前租一晚市中心房只不過二百多元,
同Ringo肥權玩足5 day都係千元內既事

今時今日澳門賭場多,船公司由兩間變三間,遲d仲有間千人
大船過大海,搞到免費船票日日有,只要肯俾心機排下隊,不論
你要鉅記手信,定係葡式美食統統可以試到,數數手指今年去
澳門次數,已經係以前去咁多次既總和

自賭權開放,自由行拓大內地客源後,澳門可謂一時間被吹脹,
街上多左旅客,賭場多過桑拿浴室,就連酒店同名店一下子十
級而上,但自收緊簽證,加埋經濟轉差,澳門又再次打回原型,雖
然而家去大賭場仍然人山人海(生意淡江大學不如賭博),但去
其他地方,都感到澳門又再次少人

澳門可愛之處係靜中帶旺,亂中有序,正如係新馬路交通好亂,
但點都有辦法搭到巴士截到的士.不過今時今日要好平食一餐
已經無晒,但好食既繼續保留,只不過變得公式化同機器化

唔知幾時又過澳門?

派彩...作實

我們朋友之間近年流行玩個小盤口,預測那位會最先宣佈結婚,
當中以何氏和陳氏較多朋友支持,亦被視為熱門分子.到了近期,
陳氏在其面書中暗示將於下年結婚,大家最初只是估估下,直至
陳氏身邊好友證實才確認有關消息

結婚當然不是賭博,上述盤口只是大家無聊時想出來的小遊戲,
請不要向開盤口人仕取回派彩(無受注何來有派彩).一對男女由
結識相愛以至談婚論嫁各有不同時間長短,但大家當願意結成
夫婦後,要學懂放下,包容和相處,同時亦要開始為對方著相,因為
往後日子家中將會有一名(甚至更多)全新成員在你家內走動,你
以前喜愛沖涼後只著條boxer無上身衫四圍走,以後請你著多條
短褲加t-shirt才好離開廁所

要將這個女主人帶進你家,先決條件乃你身上最少要數十萬元
流動資金,搞一場世紀party,話俾全世界知呢個知你從此被困.
至於回報方面,應該同買兄弟債券無乜分別,想好似班苦主要求
全數回水可能性較低,能夠有六至七成回本已經俾個叻字

雖然搞party同做苦主無分別,但唔搞仲麻煩過搞,所以如果有心
呢一兩年帶女主人回家既朋友(各位熱門冷門分子),請開始預備
足夠資金,因為任總唔會用外匯基金支持你,更加唔好望安仔兄弟
出手相助(人家打開門都要搵錢)

更新

呢個blog個blogger好懶,照計去完旅行應該大把野想講想寫,
但結果一粒字都無提過旅行之事

提起旅遊,近來不少朋友都喜歡出外旅行,秋季的確令人想外
出走走

今時今日做網友每日都寫不少文字,但寫得最多還是火星文,
一係實卜推推推,或者一個icon就代表晒所有一切

金融市場最近動盪不安,人人怕面對將來,會否衰退沒落,大家
怕投資,怕自己手上現金會被蒸發,但別忘記生存在世就點都
有經濟活動出現,只是該活動是活躍還是減速,如果怕現金消失,
倒不如早點將戶口內的錢提出,放在麵包餅干罐下好過

睇奧運

究竟係高清睇奧運,定係高清睇廣告?

今屆奧運在北京舉行,更是首個採用全高清拍攝的大型運動會,
本地電視台為此大力宣傳,投放不少資源去播放奧運

奧運舉行一星期,不少節目出現投訴,包括播放廣告,主持人內容
甚至節目安排都令觀眾感到不滿

無線作為本地最大電視廣播機構,佢做每一件事都受人注目,但
無線或許仍然忘記了今時今日人人講互動,做節目總不能因為
要計廣告,於是忽略了觀眾需要,結果就出現中國對西班牙籃球賽
只欠6.5秒就播新聞這件事

無錯,廣告商真金白銀賣下廣告時段,總希望自己廣告能傳送至
觀眾面對,電視台亦要靠廣告收入才可播放各類節目,但當電視
台要cut節目去播廣告,結果那個廣告又成為被圍攻和發洩對象,
達唔到預期效果,又令電視台影像受損,就算再講三百萬次"我地
就係奧運"都無法改變觀眾印象

不過,無線作為本地一哥,慣性收視下播雪花都有7點收視,更何況
係講爛gag cut節目,睇怕大家想聽根清淨,一係mute個電視機,
轉睇亞視或有線網上直播,再唔係實身飛去北京慢慢睇,但而家可
以買到飛入場機會係... ...

8號風球下

正當人人諗住8號風球下排隊囉中六學位,或者搵足4隻腳
打麻雀,我家就進行大裝修,先換晒全屋電線,繼而換新床,
最後就油牆換地板,3天假期就俾晒成間屋(yeah!)

8月8日,奧運開始,你ready好未?

食飯

食,作為日常生活必需要做既事之一,有人選擇是旦無
所謂,有人選擇要食得好,有人選擇食環境味道等等等,
總之人人對食總會有要求,只是大家將目標放在那個
位置上

食對於本人從不講究,一來食幾多最終都係廁所內
解決晒,二來身邊朋友對食要求可謂南轅北轍,有的
只求地方吹水聯誼,食甚麼沒有要求,填肚便算;有的對
食有要求之餘但希望可以有聚會,地點食物都要細心
思考;當然有的就真係考牌,食有要求亦講求環境質素,
每每與這些人食飯總要想清想楚,不可有任何地方犯錯

作為男性,與女性食飯可以講是一套學問,由朋友相熟
朋友男女朋友同事鄰居以至家庭成員,食甚麼點安排
都足夠寫本書,正如你不會請女友打邊爐,更不會請
媽媽去食魚生.

所以,呢期見我成日上網睇openrice,唔係因為要去睇
食邊間,而係睇點解咁多人可以食到寫食經,更好野係
點樣將食物變文字

澳門

沒有預料兩日一夜之旅,開心亦有點失落

一個月

唔覺唔覺又一個月

呢個blog無update成個月,呢個內一共考左一次試,
楂個一次車,同埋做一本書

今個月香港多事發生,禽流感,黑雨打風,山泥傾瀉
中華鱘等,每天面對既都係sad news

廣告話明天會係好天,明天係咪好天要問天文台先
知,而我知道人生路途上有起有跌,要面對既困難會
更多,只相信努力就會成功
--
廢話講完,預祝生日快樂,同埋已經生日既都快樂!

岳敏君

岳敏君,大家未必有印象,如果有睇過林海峰演唱會
那個哈哈大笑海報,都大概會知岳敏君是何許人

最近於times square展出岳敏君其中一件藝術品--
現代兵馬俑

有關此藝術品之解說
































你睇,大人同小朋友都幾鍾意呢個"兵馬俑"

五月．中國

回想今個月新聞,很多都涉及中國,包括傳聖火,
地震和救災

中國,一個13億人口的國家,自香港回歸中國後
大家對佢既陌生又熟悉,一方面大家靠佢搵食,
衣食住行無一涉及其中,另一方面大家對中國
這片土地認識不深,某程度上大家對自己身分
都感到有點懷疑

四川地震,震動整個世界,各地不斷伸出援手救
援,中國自加入世貿後與外國接軌,中國不可再
單靠自己去解決問題,一方有難,八方支援,這正
是今次救災之寫照

今年夏天,北京將舉辦首次奧運,申奧成功除代
表國力外,最重要乃展示中國走向世界,雖然與
外國水平還有點距離,但總叫前景優秀

數字...人生

做傳媒又好,一般市民又好,總之對數字又愛又根

愛既當然希望份人工有咁多得咁多,年紀越細越好,
做傳媒總喜歡用數字比較,不論年齡身高身家三圈
甚至呢期最多人講既捐款數字

雖然用數字作比較好似較有科學性根據,但純睇數字
又能否代表事實之全部?

今日經過便利店,看見某雜誌新一期封面,刊登那個
藝人係今次地震捐左幾多錢...說老實藝人捐幾多錢
根本無法彌補災民傷痛,只可以話幫得幾多得幾多

雜誌詳列部分藝人捐款數字,講真藝人本身肯捐幾多
都係出自內心,能力內盡量去做,如果都要咁去比較一
番,咁不如比較下藝人出鏡時間,歌手唱現場歌走音/唱
錯音次數,數字增長速度同刺激程度應該同去睇跑馬
一樣精彩

所以有時睇數字都係少睇為妙,特別有些數字俾你知只
會哭笑不得,有o的數字知完就算,無謂再討論

一片黑

是日香港,澳門,中國,以至部分華人地區,都在
北京時間2:28pm默哀3分鐘,以及由5月19日
起下半旗三天,以悼念四川大地震...

天災己過一週,死傷無數,倖存既要面對生活上
多重挑戰,生活在香港衣食無憂,就算窮都總有
人幫手

叫捐錢相信大家已經聽到識背,錢捐完未必代
表問題就可解決,有些事情不是捐一個幾毫就
會回復舊觀,心靈重建比起樓房重建來得更長
更遠,甚至這是一生背著的包袱

可以做既其實不多,捐錢以外不妨關心你的身邊
朋友,家人,從而愛這個地球

變,點變

友人成日問我幾時轉工

說老實打這間公司工,由第一天開始就已經預左要即日離開,
或者調去其他部門,世上沒有一份工可以長久,亦沒有一個老闆
保證你工作長久,就算自己做老闆亦無可能預計自己做幾耐

今日係政府網頁見到呢個廣告

政府物流服務署 二級政府車輛事務主任

心諗:如果當年讀完個HD,今時今日入去做,人工唔差,最重要係
公務員職系,有point跳睇醫生又免費,幾好

但諗諗下自己都係鍾意諗野,做sales and Marketing似乎岩自己
少少,不過又諗諗下都係諗唔到自己想要d乜,或者我而家需要既,
係一份工俾我完成個course,再讀多兩年,起碼見工都易少少,好過
以家高不成低不就

雞蛋仔

http://www.openrice.com/restaurant/sr2.htm?shopid=21152

香港的確有不少地方值得令人感動,這檔

雞蛋仔未必最好食,價錢要$10底,有o的

地方因為炭燒燒得唔平均,但那份心機同

風味已經賣少見少

九十年代前不少街邊檔出現,手上一個幾毫

已經可以填滿肚子,今時今日見到既街邊檔

唔係sell保險就係上左網未,涉及食既早已

無晒,當政府不斷提倡本土文化時,這種活文

化早已被官僚掃得一干二淨;當電視機前話

要關懷一百萬人時,社會早己將他們求生之

門關閉了

社會進步但心智未有一同進步,保育與脫窮

其實沒有抵觸,只是大家不斷製造假文化與

假輔窮,真正幫到他們的辦法就越來越少

希望下次去大坑還可試到這雞蛋仔,這炭燒

味道去國金四季酒店都未必試到

天氣差心情壞

來源:地下天文台及中央氣象台

本來個題係《生日先黎打風》,不過因為今天一單新聞,
就立即改個題目

今年生日本來打算離開香港,最初諗住去新加坡,機票價
格可以三天內上升一倍,於是改去泰國,點知泰國機票一
樣加價兼無位,退而求其次去澳門玩,結果一個浣熊一吹
留番係香港繼續自己一個睇英超...

講起足球,不得不提資深體育記者伍晃榮,作為多年無記
新聞觀眾既我未必日日睇佢報體育,佢報導手法與眾不同,
至今無人能及,最後用佢金句「波係圓既」作為總結--
人生如球場,無人會絕對勝利,亦無人會絕對失敗

講一套做一套

誠然本人對說話的執著相對其他人來得看重,
可能這是白羊座的性格

我並不是追求那種一諾值千金,但可否講每句
說話時想想這番話是真心還是開個玩笑就算

口是心非或者是女性專利,雖然我已預計之內,
但不要太過著績,由看不看電影到與他人的關係
倒沒有興趣,但請不要事後才說給我知

--
無聊說話太多,關於自己的實在太少,近月來主要
工作包括做報告,測驗,行街做研究及帶隊,實在沒
有給自己一個小假期,雖然四月中申請了幾天假期,
可惜出國機票價錢與暑期旺季沒有分別,是太多人
想逃離這個城市,還是人人袋中餘錢多,要四圍走走
才顯自己的富有?

可人兒

這首歌收錄自楊小姐於華星last一張大碟
《Kiss Me soft,play it loud》大碟內

http://www.youtube.com/watch?v=XXNLGgqBLV8

黃丹儀(不是黃丹兒)作曲,黃偉文詞

良朋常常提著我
這麼多好友愛我最多
可笑是這麼可愛 對快樂無助

這數年不理深愛著誰　亦未被對方珍惜
過沒有花沒有果但我記得他怎拒絕我

*要是可愛　為何無人愛我 夜夜獨自一個　
祈求誰來家裡坐坐
抬頭望鏡亦算　不失不過
到底我甚麼出錯
要是可愛　為何無人愛我
夜夜獨自一個　回來和牆壁唱盡愛歌
唱到自信恐怕 亦無多
連我自己都不愛我(連我亦笑問談甚麼)

良朋常常胡亂猜我這麼可愛 愛侶滿街
嘲笑內帶的安慰　勸我別言敗
激奮時總會擁我入懷　落力為我開解不快
越要開越了解讓我更加擔心我狀態

Repeat*

是你麼　若有人愛我是你麼　
這地球男孩如此多
情人在哪兒　情人是你麼

Repeat*

情愛是決定遺下我

2007年11月,容祖兒翻唱同一首歌,有黃丹儀同
伍樂城伴奏版本

http://youtube.com/watch?v=SQaIw8CXbmg

送給一位成日話無人愛既朋友

一於繼續笑

身為一個香港人,對本地娛樂圈總會有點情義結.

肥姐離開人世,自己對佢無太大感覺,講真生老病死
人生必經階程,當你要走時又有甚麼可以做,旦求走
得開心,同埋不要留下遺憾,咁走得舒服

今年娛樂圈唔開心既事太多,陳冠希肥姐成龍以至
鄧光榮都無件開心事,有時睇報紙都感到有點灰心,
唔知幾時先再見陽光

病與痛

呢兩個字可謂近期寫照

病--早前冬足廿多日,氣管頂唔順,感冒咳齊齊發生,
而家叫做好番少少,但開始輪到屋企人齊齊食咳藥,
此情此景只可講句:我病了!

痛--上月學人行南丫島行山,一落斜扭傷左腳,睇完
跌打以為無事,點知早幾日左腳又再痛,結果又要破
財睇跌打,雖然有保險claim,但醫師話要慢慢復原,
所以當睇報紙見到達施華同朗拿度因為踢波傷腳
要休息成年,自己都大概明白腳傷之苦

祝天下人日日無病無痛

PS:天氣又冬番,小心身體

你在何處,朋友

合久必分 分久必合

世上無永遠朋友,亦無永遠敵人,同每一個人做
朋友唔知可以做幾耐,正如當年讀書既同學今
時今日你又聯絡得上既有幾多過?

最近睇過兩場演唱會,無獨有偶都遇上以前
朋友,一個相距4行坐位,另一個更只相差1行,
雖然距離相近,但話題不多,有個甚至連話題
也欠奉,因為大家沒有聯絡多年,講不出聲

今時今日要聯絡朋友相當簡單,電話電郵MSN
以至fackbook blog都可以知道朋友一舉一動,
正如呢個朋友行完百萬行,另外一個就去曼谷
短trip無預手信.不過就算俾你知都已經係過去
式,全部發生晒先講番出黎,做朋友要對著電腦
才能知佢既過去,科技越發達我們的隔膜就更
遙遠,仲衰過以牛郎織女一年見一次,起碼大家
面對面交談,但現在要交談或者要等三五七年.

希望下次見到面時不再只得三兩句就算,因為
這種交談既無建設又無意義

每年一個方大同

http://www.youtube.com/watch?v=v67BX3I_qho

Youtube-方大同 Long Song MV

每年的確需要方大同的聲音,他沒有獲得任何大獎項,
或者擁有豐厚的收入,但每張大碟總給人一股新氣息,
特別在今時今日這個只看重名和利的娛樂圈內,他的
歌聲和表演給人新鮮和多元化的重要

方大同出道以來不少歌都以愛為題,上張大碟愛愛愛
用中國曲調去表達愛,今張碟全碟直頭講愛情,不同階
段的愛有不同表達方式,主打已經叫人愛上了,簡單的
愛最令人感動,但亦是最多人找不到,因為大家都經常
計算對方愛自己有幾多

Love Song-我寫了這首歌　是一首簡單的
不複雜也不難唱的那一種歌

2月14小故事

2008年2月14日 香港 天晴 9-13度

一個天氣寒冷的情人節,今天是年初八,不少情侶打算外出
享用晚宴和送禮物.

Tina和Joe這對小情侶,女的就讀大學二年班,男的中五畢業
後當上快餐店店員,他們相識經過與其他情侶沒有分別,都是
中學時在課室內同班同學相識,繼而相戀.

女方外貌娟好,花梨裙下有不少追求者,但她早已確定男方
的地位,甚至計劃數年後結婚;男方努力工作,晚間更會做
兼職,可惜男的早年借下不少錢,加上學歷欠佳,所以到現
時為止銀行結存每月月尾只得個位數字.

好不容易才到農曆新年,男方為了賺更多錢,唯有放棄9天
大假於朋友的花店開工,女方家境不俗,打算新年期間外出
旅行.一天女方致電男方問農曆年間有沒有空外遊,男的只
是說句他很忙便掛斷電話,女方感到很生氣,結果一怒之下
與她的家人外出渡假.

由年初二開始,Joe只是不停地包的包,拆的拆,為的就是那
些情人節禮物和玫瑰花,玫瑰花上的剌令Joe的雙手受傷,
但Joe仍然繼續努力地包,因為他要年初七前預備好,好讓
情侶們於情人節正日可以收到這份禮物.

情人節終於來臨,Joe由凌晨4點開始,由旺角出發,走遍港九
各區的辦公室和家中,將各種鮮花禮物送到各愛人手中,每
當Joe將禮物和花交予收貨人時,他的心中感到有點酸.因為
他每逢情人節總沒有正式慶祝過--今年是他和Tina的第四個
情人節,對上三年Joe都沒有慶祝過,原因分別是加班,
考A-Level和戶口沒有錢.

Tina剛從日本回港,今次她將半個涉谷抬回香港,四車行李
好不容易才放進車尾廂內.一路上她一邊聽著電台廣播,
另一邊就與她的best friend分享她在日本的經歷.車經過
青馬橋時因接收不良,她和她的好友飯局只好完結,Tina唯有
專心聽著電台廣播,節目主持全晚只是播著關於愛的歌曲,
其中一首是她最愛的金曲,一路播她一路唱,但經過隧道時,
她的金曲被隧道廣播剪斷得四分五裂

回到家中,Tina急不及待將戰利品放滿睡房內,她逐一將手信
編排好,連家中的小狗也有新衣穿,但偏偏沒有了Joe的份兒

晚上11時,Joe終於將所有貨物派發完畢,走足全日他只吃了
一頓午餐,又凍又餓的Joe打算到附近食店吃個晚飯.他按按
手機,預備發個短訊給Tina慶祝情人節,但手機顯示了這個
訊息:你欠了一個order未送,快到鋪頭,地址為中環...",結果
Joe又要繼續加班.

Joe心想為何這麼夜還會有人想送花,真是奇怪.回到鋪頭,
他看著這份將要送出的禮物感到有點熟悉,亦有點陌生.
一路上他發了很多次短訊給Tina,希望她能發個短訊給他,
但手機只有發送備份,而沒有新的訊息.

半小時的港鐵之旅將Joe送到中環的某一個辦公室,樓下的
守衛看見Joe就不斷問他有否弄錯,因為這辦公大樓並沒有
送貨單上的樓層.5分鐘後Joe見形勢不對,打算撥電話回鋪頭,
可惜鋪頭的人早已下班,這時候他收到一個短訊,內容是為甚
麼你這麼晚,人客不斷投訴收不到花和禮物.心急如焚的Joe不
斷打電話給鋪頭和發短訊的人,可惜電話都不能接通.

想不到任何辦法,Joe只好離開該辦公室,打算將鮮花和禮物送
回鋪頭,但他身上並沒有鋪頭鎖匙,他心想今個晚上又要露宿街
頭了.此時手機響起,鋪頭老闆一開聲先鬧他為何這麼晚還未送
到貨,第二句就說你弄錯了地址,是中環廣場不是中環中心,結果
Joe要花多數十元的士錢去灣仔那座中環廣場

凌晨12時,Joe終於到達中環廣場,此時電話響起了屬於Tina的
ringtone,他急忙接聽,Tina第一句話是問Joe為何情人節沒有
花收,沒有禮物,Joe如實地答她我沒有準備,因為我知我手上
錢銀有限,要送花送名牌根本沒有能力買得起,食晚餐又要錢,
我由今早做到呢個last order只可賺到錢夠買條電話繩.

Tina沒說話就掛斷電話,然後走出大堂,接過Joe手上的花和
禮物後,便說:Joe,由我第一天認識你開始就知你身負長命債,
你要還錢我明白,你希望出人頭地我亦明白,這幾天雖然我去
了日本,但我不斷派人去你家鋪頭打聽你的消息,我知你為了
包禮物包到滿手傷痕,送貨連坐下來食飯時間也沒有,所以我
專登叫人做呢個last order,等你親自送禮給我.

禮物盒打開,裡面擺放的只是1支紫玫瑰,一本簿和兩盒平價
朱古力,總價格不超過百元,Tina向Joe說,雖然我家有錢,要買
甚麼就有甚麼,但我與你的關係並不是建築於金錢之上,如果
你為了賺錢買個名貴手袋,我倒也沒興趣去用,相反我希望你
能好好利用這本簿,記錄我與你每一天的情況,是甜是苦都沒
有所謂.我知你還未食飯,你會不會介意一個從未入過廚房的
女子煮食物給你吃?Joe笑笑口點了頭,還回了一句:不介意,
最好有人日日煮俾我食就最開心...

(虛構故事)
--
情人節有無百支玫瑰,或者燭光晚餐都不重要,就算一碗
公仔麵也可令人感動,只要你的心是著緊他／她,有沒有
情人的你都祝情人節快樂!

好運?

不勞至獲人人都想,但自問無呢種福份,好似
早幾日走去買六合彩






























本來可以成為第106位幸運兒,結果都只係做
12萬7千位幸運兒其中之一

唯有繼續努力返工....(無奈中)

忙忙忙?!

年復一年,又到半年一次開通頂既日子,今日還可以回
家打下blog,還下債,過多兩星期又再晚晚維園通宵見...

不斷的工作其實有時想轉換工作環境,朋友個MSN個
opening話想跳槽,說老實每天返工總會想"如果唔做
呢份,或者公司今天不再要我,我應該去那裡再開始?"

雖然想永遠得個想字,但工作還是與我常我,有時覺得
可以做呢份工其實都係件開心事,公司有錢賺,自己又
one man band,無乜support但總好過做坐係三殺位,
成日被人針對,thanks god!

農曆新年就到,市面氣氛一般,或者要過多幾日先似
過年,希望大家新年快樂,身體健康,好老土但真心