酒醉過後收執殘局

做人有時幾矛盾,一方面成日唔想諗得太多,
於是借酒澆愁,但同時間又怕酒醉過後如何自處,
識嘔都還好,最怕唔識嘔,不斷大叫"我無醉",於是
不斷飲,輕則打爛野,重則打傷人搞出事

某一年自己上司結婚,宴席間自己同事不斷叫我飲
紅酒,結果當然只係識同人講"我無醉",要兩個同事
合力送我返屋企

呢幾日自己有如飲醉酒的司機一樣,開車不斷撞傷人,
而家傷者甚多,至於與某人關係...作為一個醉酒鬧事
司機,被人釘牌罰錢甚至坐監都係預期之內,只望法官
點判,但心中有數,當你一腳一腳油車人心口,唔通人家
當無事發生

PS:今時今日已經唔再飲酒,一來怕醉,二來身體唔太好
,飲酒太傷身