2008年

08年,奧運年

經濟會點,中國會囉幾多金牌,立法會結果係點,
台灣大選係咪小馬哥當選唔重要

最重要係08年大家每日開心,日日快樂,當然有
得愛好愛,有得搵好搵

08年,大家繼續努力!

又出碟?!

做歌手出碟賣歌本來問題不大,做fans為偶像總會每張album
都要買,但有時可唔可以有節制地出碟

雖然今時今日賣唱片可以賺既錢唔多,都唔代表有借口去
成日出精選碟.謝安琪生仔前出精選碟,出完仔又再精選一番,
都以為係經典之作,點知Twins仲勁,繼今年推出一碟分阿Sa阿
Gill加中秋版Twins Party,點知呢期仲要出番12 CD加12 DVD
珍藏版,唔知各位Twins fans又使唔使儲錢搵地方擺放呢套
box set?

PS:以前就話出精選碟要3年先出得一隻,今時今日一年兩味,
真係話香港樂壇已死定係年尾跑數跑出既"怪物"

學野啦!

香港做官既可否收起少許官威同官僚,俾多少少活力同創意

一條來自新加坡媒體發展委員會
(Singapore's Media Development Authority)既片可以見到
宣傳其實可以咁樣:

http://www.youtube.com/watch?v=ksw2UqTyhhc

片中主角係一班高官,說老實rap唔岩bid,歌詞拍得住《始終有你》
咁有"福"味,但俾人覺得無咁死板,似有做過包裝

但香港政府宣傳片十年如一日,官員講口唔係講錯野就係要同人
鬧交先安樂,早幾日某高官上立法會就同個新仔開file數下歷史,
為官者俾多少少EQ,做市民有時見到呢類鬧劇唔知好嬲定好笑

請支持xx嬴補選

點解要揀xx?如果你:

1.希望頭髮可以由橫變正,又或者變奧米加頭都得;
2.家住北角,勁buy蔡蔡子兼日日去新x城百貨shopping;
3.認為當年推銷只係打份工,任何對白都係前老細要求;
4.覺得歷史只是歷史,今天的我可以完全忘記昨天的我;
5.認同普選等同(不是)普(通市民去)選,而係由中央決定;
6.無得做十成按偈?爭取銀行十成按偈之餘,再加送三成回贈;
7.同意叫囂lock人頸係助選一部分,令各助選人都"打成一篇";
8.最愛睇東方大公文匯加星島,肥佬黎旗下刊物係反中亂港之物;
9.03年7．1當日只去維園踢波或每年7．1參加10蚊海鮮巡遊餐;
10.覺得某人今年輸左下年都唔會再選,倒不如俾xx先入議會,熟
習官場形勢,過幾年就同唐唐選特首

當然你buy唔buy佢本人無意見,總之本星期日有得投好投,唔好
又學上次玩告急

溝通

香港人出晒名工作狂,日日開工,夜夜笙歌,返工無晒精神,
一到晚 上就生龍活虎,上網check mail,玩MSN online game,
呢期仲有facebook等住大家去hug下

有人話人類開始不懂溝通之法,以前大家會用手機互電
問候幾句,今時今日大家只懂用文字send來send去,明明
一句話用把口講幾秒就可以表達,但大家總喜愛用SMS
send,MSN送個icon,甚至係facebook留番幾句言就算

電話發明咁多年,功能多多,但萬變不離其宗,大家溝通
方式五花八門,但總來不及面對面的談話既正接又最簡單.

PS:當你看到這文章時,不妨打個電話給你父母,回家吃飯,
他們正在等著你的真人hug

結構性問題

雨傘雖大,但仍逃不出出局命運,
包括自己同英格蘭足球隊．(C) BBC

不少香港人這幾天話題關於英格蘭23年來首次緣盡歐洲國家盃分組賽,落敗原因太多,排錯陣用錯人後防失誤龍門無經驗,中場塞車等等等.

輸波可以好多理由,其中一個可能來自結構性問題.英超號稱世界最多人留意足球聯賽之一,各球隊都擁有不少上成而貴價球員,但不少都是來自五湖四海.全球一體化下本來有能者就能居之,但足球行業當打聯賽時只要有錢有能力嬴取獎項以至冠軍都無問題,但涉及代表國家隊上陣,就唔係用幾多錢就可解決.

英格蘭近十年來靠外來球員支撐球市,領隊總愛高價搶球員,本土訓練雖然繼續存在,但可以上陣基本相對地較少,而且不少球員成日諗住點樣加人工,本身球技無點進步過.當蘇格蘭今屆歐國盃外圍賽兩勝法國時,英格蘭只可打和馬其頓,面對克羅地亞主客場齊輸,但英蘇兩隊球員身價可謂有點距離.

其實結構性問題不止在英格蘭球市發生,全世界都不約而同出現類似問題,香港亦同樣面對,不論球市就業人口以至政府施政,要解決除左炒領隊換新人外,最重要社會點作出配合

介子2007

曾經於2005年寫過一篇文章,位置係呢度

http://croy903.blogspot.com/2005/11/blog-post_09.html

一隻介子,價錢用料唔係重點,重點在送既
人心思同收既人心意

介子可以好平,亦可以好貴,但無論平又好,
貴又好,最重要係搵到對岩既手去帶上去

沒有幾卡重鑽石,亦不是鍍上白金,但能
緊緊扣上中指上,您與她由今天起就連
在一起

無題

呢幾日放假,無野好搞,唯一要做既就係powerpoint....

一年一次,今年做乜好?

十年一瞬間

叱吒903近期宣傳叱吒頒獎禮,以十年一瞬間作主題,
回看香港十年,的確感慨良多

香港十年經歷太多,由金融風暴沙士到今時今日所謂
經濟向好,十年來大起大跌得太多,香港人心態價值觀
全面改變,十年前大家怕中央收回香港,不知會變成點,
今時今日大家掛在咀邊要背靠祖國,要北水南調,大家
有得炒就炒,股票市場日日數百點上落都係等閒事

十年前大家怕回歸,十年後大家怕個市唔好,而家股票
暢旺,但衣食住行就不斷加價,十年前廿五蚊食個lunch
都可接受,今時今日請預備多七元八塊,部分地區甚至
要$40才有個午餐.經濟升溫是否代表人人受惠,如果係
既,綜援申請應該大幅下跌

這十年對自己改變實在太多,由一個中五生讀過一年TC,
然後加入現有公司,一做就做左8年多,十年變化日日新鮮,
特別這間公司受咁多人注目,往往成為朋友親戚"追訪"對象.

每個時代都有佢既主題曲,以前係獅子山下,這個世代或
許係K歌之王-人人都可以做歌手,只要有外貌有話題已經
成為歌手,走音甩咀,用部電腦拉一拉就搞掂.

不過唱得K歌多人人都未必識講得一口純正廣東話,因為
大家只係識跟住個音唱,個字本身點讀都講錯晒,以前我
地笑國內朋友講廣東話,今時今日就自己笑自己,廣東話
講唔正,國語英文更加唔使講,有時覺得香港這十年無前
進過,只係不斷原地踏步,希望接著十年會係好既十年

The Best is yet to come

楂車2

原來自己2005年曾講過那番話

http://croy903.blogspot.com/2005/08/blog-post_22.html

30歲前終於擁有車牌,雖然係1,2牌,但總好過無

第一次開車心情緊張,但整體都係感覺不俗

做司機可以好輕鬆,亦可以好擔驚受怕.當你扭動車匙開始,
就要將注意力集中在路上,因為車上乘客,路上行人同其他
車司機乘客生命就在你手,你既錯誤決定係會嚴重影響他
人.自問自己性格有點急躁,幸好經過訓練總算令自己呢份
性格得以改善

PS:暫時都只係楂過幾次車,睇怕要搵多次時間同機會學楂
其他車,囉番多少路面經驗

十一月

作為一個懶人,基本上最好乜都唔使做,日日有錢收,
最好可以使幾多都唔使擔心,可惜大家都係平凡人,
要起身返工食飯放工返學放 學同訓覺

11月開始轉涼,身上再唔係著T-Shirt,而係長衫一件

政治對香港市民普遍較為冷淡,有時覺得香港能夠
養得起十多份報紙,三家電台,四家新聞直播台已經
算唔話得.

投票老實講次次都有去,唔係因為要盡甚麼公民責任,
而係覺得投個票就算你心水候選人輸o左 都輸得光彩

如果你係選民,記著一不選政治投機者,因為成日走位,
今天支持A黨,明天就走去第二個黨,咁鍾意走位點解
唔去買股票;二不選無通識既候選人,連基本左右都不
分,如果佢有車牌大可叫運輸署再重新考佢路試,免得
香港又多個危險司機;三不選只識晨咁早開喇叭叫你
投佢票既人,你唔訓人家都要訓,連星期六日都唔放過,
你真係識收賣人命;最重要係唔選成日失蹤,到選先蒲
頭既人,如果真係做野唔宣傳我都自動投你票,乜都唔
做只係識搞活動,倒不如我選旅行社社長做議員,起碼
本地海鮮一日遊價錢點都平過議員

10月16日

一個值得記住既日子,因為有

睇楊千嬅尾場concert,唱多3首歌,正正正!
























同佢一齊睇千嬅,感覺一流










無記錯已經同佢第3次睇concert,
希望睇容祖兒concert可以一齊睇


當然最重要係










告別學神日子(幾年)

送我一個家

送我一個家 泳兒

作曲：Edmond Tsang
填詞：周耀輝
編曲：Adam Lee
監製：陳永明

晴朗天 榕樹蔭
月半彎 童話想得多漂亮
前景敢不敢跟你 去開花
在市區 望向理想的優雅
談著儲蓄的計劃
我卻不信情愛會沒有吵架

＊如樓下 太喧嘩
樓上娃娃哭了嗎
而令小小的我不禁害怕
難道愛亦會變得頹垣敗瓦
回家 屋邨幾多伙人家
然後發現哪伙還會愉快
(然後抱著你可微笑睡覺)
能令我極眷戀的家 有嗎
(而合照亦要扣一起 去掛)

藍吊燈 陶木桌
白絹紗 尋找裝修的抉擇
研討傢俬的擺設 與風格
在市區 望向美好的高塔
談盡美好的說話
我卻想到城外我遇過的家

Repeat＊

一首聽落無感覺既歌,但細味就覺得人總想要有一個家:

家唔需要千呎豪宅,不需工人百千,只需要溫暖和溫馨
家唔需要千金萬財,只要有你的愛人便已足夠
床亂衣櫃亂不重要,最重要係平安回來便可

呢個家雖然未知何時何日才會成立,但我會努力建造

PS:泳兒話送我一個家;江若琳就送我一個爸

戀愛季節

雖然個天日日32度,但晚來吹來的風,仲會令人想起秋天已到

提起秋天仲少不免提起《秋天的童話》(先唔計船頭尺那些
所謂"粗口"有幾粗,無聊人才將人家劇本當成真話)呢套電影,
內容真係無點睇過,但可以見到秋天的確幾令人想拍拖,甚至
結婚生仔.

自己無點研究過,但總係覺得秋天到涼意起,有人陪你在街上
走,其實都幾浪漫

PS:朋友笑言我肥了,無錯我真係肥o左好多,全因坐得公司多,
又少運用,睇怕要得閒行下山,吸吸新鮮空氣先

搭飛機

唔知幾時可以坐佢飛圍飛?



自從甘泉出現後,成日都見報紙話有平機票,呢期國泰又
搞promotion,飛加拿大未計稅只不過5千大元,如果飛
倫敦直航仲平過空星航轉機

以前話飛英國無三廿萬都唔使諗,機票起碼花上近
萬元,不過今時今日廉價航空出現,傳統公司只可以
一係減價,一係繼續玩驚喜價,唔知有日飛倫敦價錢
會平到笑(發夢!)

作為一個球迷並研究交通既人,總希望可以去一去
英國走轉,去睇博物館同埋上London Eye外,最重要
係入入球場,睇番場英超大戰,坐下當地各種交通工具,
同埋食埋炸魚薯條,睇下味道係點

不過要去倫敦雖然機票平,但英鎊係咁升,如果真係要去,
睇怕要中番期六合彩三獎先夠一個人玩三五七日...

來嫁無情莫問吧

雖然我唔係森美小儀fans,但點都叫有睇過佢o地99年首場
歌劇《很長的Good Morning Miss》,仲要當年飲某飲品
換票才可入場,往後日子因為要用某信用咭換飛,基本上無
一年會去換,一打個條hotline永遠打唔通,二要留分換叱吒飛

直到今年終於唔使用分換飛,但結果多人排隊,以為係咁先,
但好彩朋友K幫我找到兩張日場飛,有得用正價睇總好過捱
炒價益黃牛

成套劇講森美因為要逃避小儀呢個"老婆",於是出走至意大利,
由乞兒變成model遇上小儀,及後被Leo踢爆佢唔係貴族於是再
次成為乞兒兼扮痴線,小儀不繼幫佢,從而令森美愛上小儀.天使
來臨令他們分開,最後有情人於碼頭上遇上,繼而深深一吻...

套劇叫《LoKamochi Mamiba》話就話落街無錢買麵包,但另
一意見係來嫁無情莫問吧,一句說話可以有兩種意思,唔知你想
落街無錢買麵包定係來嫁無情莫問吧,但我希望又有麵包又可
以有人肯嫁我(發夢中)....

送番三張相先

樊少皇打個後空翻,勁!!

森小 and....

Sam Hui契哥--林九

貼相時間

唔覺唔覺寫到第100篇,貼番幾張今日發生既相














你認唔認得呢個model,去現在台會見到佢教你用remote
















Model姐姐巧遇格仔人...
















中秋夜囉個頭又剪又染




















完成品,多謝髮型師中秋都要開工,辛苦晒

思念,,,病

呢期好miss一個人,miss到日日想打俾佢,問佢身體好嗎,
但一囉起電話總係打唔出,因為怕,因為怕無話題,因為怕
佢話忙,因為怕無面,最怕其實係自己

中秋夜落雨天,無街出唯有整整個頭,順手約下人食個飯,
送下野,跟著無事無幹回家去

呢期成日傷風成日病,睇醫生次數超過5次,天呀!做乜呢個
9月會黑仔成咁,過o左中秋希望會變好

繼續回味那天,你在那處忙碌中?

秋來也秋去

一句好老套既歌詞,但最令人切身感受的氣氛

秋來,唔知你準備中秋夜去邊?BBQ?做節?開工?定係喪隊月餅

今個秋天的確唔會得閒,功課固然要做做做

(10小時英文加project)

另外學車考牌(邊日就唔好講,希望晚上睇concert可以開心D),

仲有要睇幾場show(森小加千化,正,仲諗緊睇唔睇福仔)

當然唔少得與你相聚,那一夜我不會忘記

貼相

人地個仔

一家人,高興點

好眼訓

呢期日日見到既畫面

家中有三台電腦,如果有乜頭昏眼花都係由
我解決

由上星期日開始,連續兩部機都要重灌個windows,一個因為換harddisk(部Notebook),另一部就搞唔掂要成部機重裝過


所以呢幾日好眼訓,同埋遲D貼番食飯相

秋

好想搭飛機,離開香港,不過一收到時間表,睇怕又要等下先

本來上星期出走到泰國,但二日一夜之旅價錢足以去日本有找,
結果日本泰國台北全部繼續等下先

中秋就到,有人話好唔鍾意,不過我年年都最想過,因為總會約埋
舊同學聚一聚,但唔知今年仲有無得聚頭?

生人勿近

呢幾日病,如非必要唔好搵我,因為咀角生瘡

上網check過全世界超過8成人都會有呢種病,
但如果家中有小朋友,BB仔就要小心,始終佢
地唔係大人,可以有能力去抵禦呢種病.

至於面貼面,kiss,共用毛布就唔可以,唔好掂我
口水,搞過個傷口要立即洗手,至於其他野只要
小心就唔會影響到日常生活同埋令病情惡化

祝我快點好番,同埋可能取消星期五上大陸

看圖作文

今日無乜時間寫野,又病病地,所以唯有看圖作文

3部N73及1部N76

吉吉貓

兩母女?!

一家人嗎!

最佳之選

今日無野做,不如數下自己感情品牌排行榜,下次送禮前請識做,哈!

我最喜愛的:

食物:壽司,魚生,Pizza(好肥)
飲品:維他檸檬茶(又係肥既)
月餅:我唔食月餅wah
生果:杧果(糖水)
衣服:波衫(好悶)
褲:深藍色levi's(只得一條,仲要唔岩著)
鞋:Adidas白橙Superstar(可惜唔再出)
交通工具:天星(一來平,二有景睇,三來好多OL搭)
相機品牌:C公司,不過想玩下N公司出品
手電品牌:N公司,但SE公司手電又唔太差
隨身聽:有收音機功能既機,生果機唔係唔好,可惜要加配件
...
男藝人:郭鋒(以前中學教英文Miss個細佬)
女藝人:陳丹丹(純粹因為見過幾面搭過幾句嗲)
男歌手:Eason,軒仔,Eric Kwok同Eric孫
女歌手:頭二三位都係楊千嬅,Stephy,Fiona,JY/Y就少少
男DJ:森美,艾粒二子,商台大部分男DJ都Buy
女DJ:阿E,小儀,Fun E,其他就麻麻
男性朋友:個個都鍾意,唔好嬲
女性朋友:數埋唔夠10個,所以無分你我
男朋友style:男朋友?!無野呀
女朋友style:高,瘦,平,最重要唔好十問九唔應
...

唔知你最愛又係乜?不妨話俾我知,等我下次送野唔會送錯野

我愛你

我愛你,你唔好日日病
我愛你,你唔好發脾氣
我愛你,你幾時再增高
我愛你,你不要再逃避
我愛你的身材,我愛你的樣子,我愛你的心地
我愛你的...

愛幾多都無用,一來無對象,二來你話愛就一
定會有咩,六合彩又唔見你有份中,女?我都想
有,哈!

亂up一餐後,又講下o的數字遊戲,呢期洗錢真
係使到叫救命,生日會加訂飛,支出大收入無乜,
朋友如有欠錢快還,不過我估又要等等等...

尋人啟事

現找尋下列人仕,如有任何人提供消息而尋回人仕,即
賞你與鄧麗欣擁抱到最左一個

1.水小姐,明明約你食飯結果被塊帕布一吹就唔見人
2.吳小姐,俾晒錢做機但只掛住食同睇醫生
3.李小姐,返大陸玩BB都唔留港睇囡
4.陳小姐,相思無用,為何還在看海?
5.張先生,森小(如有)+楊小姐concert飛
6.黃先生,隻高斯備存+正版辦公室光碟
7.鴨先生,相機$$$$
8.容先生,你本大作
.
.
.
N.自己,一個愛你的人,和一個你愛的人

幾時先會出現?

味道

今天晚上聽到這首歌作為鈴聲

味道 - 辛曉琪
曲︰黃國倫
詞︰姚謙

今天晚上的星星很少
不知道它們跑那去了
赤裸裸的天空星星多寂寥

＊我以為傷心可以很少
我以為我能過得很好
誰知道一想你　思念苦無藥
無處可逃

＃想念你的笑　想念你的外套
想念你白色襪子　和你身上的味道
我想念你的吻　和手指淡淡煙草味道
記憶中曾被愛的味道

今天晚上的心事很少
不知道這樣算好不好
赤裸裸的寂寞朝著心頭繞

重唱　＊,＃,＃

將這首歌送給近期成日話唔開心既朋友,
思念太多,為何還去想,明天又是新一天,
何不接受新事物?難道想就可達成願望?

--
回到家中,看見電郵說某人要說再見,雖然我
與她的合作次數不多,但非常感謝她多年來的
支持和教導

放榜

每年八月又到放榜時候,自己都無考會考今年第10個年頭,每年總有
考高分既人,亦有失敗甚至零分,但無論考30分定係0分,都唔代表你
將來會係點

我曾考過3次會考,頭一年要repeat,第2年就選擇入TC,第3年只係考
英文.雖然無考過A-Level,入TC都只係讀過1年咁多,不過呢幾年既
經歷明白考試只是人生其中一個過程

當天的舊同學今時今日成家立室又有;快將結婚又有;讀大學做工程師
又有;好學不卷讀到囉Degree又有;做地產經紀又有;做完KFC再做
STARBRUCK又有;甚至有個已經離開我們,每個人10年來經歷不同事情,
唯一不變係大家都曾經係YKY學生

PS:永遠向前,明天又是新一天,努力找尋新目標

解決

巴士阿叔既金句係"未解決",無錯每個人心中總有千千萬萬個結同
問題係未解開要解決,點解自己銀包無人家咁多錢,點解自己唔靚仔,
點解當年唔讀好o的書....

要解決問題方法有好多,睇你正面去解決,定係拖拖拉拉,見日行日

我自己從來只會諗點去立即了結,立即解決問題,雖然咁做未必係最
好出路(起碼無細心部署,亦無計算後果),但至少問題都叫解決

有個問題困擾多時,雖然不少人曾叫我放棄不要沾手,但死牛一面頸
性格總係不想放手,直到最近發覺再拖問題未必解決,最後都係要解決...

PS:有人話星座會大概知呢個人性格係點,睇完呢個網介紹,可以講句:
都幾準,只係嫌唔夠detail

http://www.astropopo.com/aries_char.html

PS2:送給獅子座的一番話

你最好係：
人如其座，獅子乃萬獸之王，在十二星座之中，最係威係勢自不然是你。你個人非常有領導能力、具野心、組織力又強，所以常常都能成為群眾中的領導者。性格方面，你是一個樂觀、熱情、大方、自信、誠懇的人，同你一齊的感覺，就好像太陽在身邊，暖暖在心頭。單睇外表，你給人很剛強的感覺，但內心其實不知多溫柔、揀朋友，你一定是別人的首選，你個人忠直又夠義氣，簡直無得頂！揀甜心揀你都正，因為你個人夠浪漫又專一、鍾意富有戲劇性的情節，同你拍拖，高潮泆起、驚喜處處，過程拍得住《珍珠港》，最多輸俾《鐵達尼》！


你最唔好係：
你太似太陽，太霸道、太過懶高貴、太過玩個人崇拜……，似太陽的程度是：有時你的焰氣會辣死人，你的自以為是會迫死人！甚至你的好大喜功會令身邊的人激到生熱痱。死要面、虛榮、驕傲、鍾意人托大腳等，好多時會成為你的致命傷。缺乏耐性加上太喜歡指東指西的性格，令你身邊的朋友受不了！同甜心的關係，永遠都要你做主導，一家之主，逆我者亡，好鬼得人驚！不過最驚仲係你揮霍無度、自大、獨裁……，愈講愈似形容武則天、慈禧太后……。

愛．完

人有時都幾鍾意自尋煩惱,明知已到結局還要繼續,是自討苦吃
定係懶有型

作為一個年青人,話有本錢輸,不過對我o黎講,輸又有乜所謂,
反正輸開有條路

朋友,當事人從無講過任何說話,不過做人點都要明睛眼企,無
謂要人開聲先知衰,知而繼續做只係犯賤,所以都係放棄吧!

放大假

點解blogger設計一按Esc掣就乜都無晒....

回正題,自己手上既工作終於完成,工作性質其實無變過,但
今年負擔更多,因為人手有限,又要搞搞少許新意,結果遲足
個月先出街,希望到時出街時唔好錯得太多

本來係上個月放大假,不過工作關係搞到而家先放,亦令原本
個張假紙失效,唔知HR會唔會call我問點解放假仲返工...

放假本來係輕鬆事,不過答應人做既野實在太多,banner ppt
整電腦搞模型以至屋企大小事甚至上大陸都要呢5日完,分分鐘
仲忙過返工

PS:貼番張某電台DJ相素顏相一張,係咪好似某人,哈哈!

生日過後

呢期有報紙用圖片代替文字,今次都偷下懶,貼相就算

生日蛋糕,今次打孖上

吹完蠟燭,又大一年

有男有女,有餅有cake


無意見,任由讀者判斷


生日點都要有金,老人家話既

BB出世

先恭喜V小姐7月19日誕下BB仔

新生命出世,做朋友除了高興外,亦感到要養育成材並不是
易事,特別在香港這個追求金錢和講效率的城市,要結婚生
子既要儲下一大筆錢外,還要改善自己脾氣同耐性,始終生
子育女是天職,並不是電玩遊戲,不喜歡就可放在一兩邊去玩

自問自己既無錢,又無能力去養小朋友,最重要係自己還未
有人肯願意拖著我的手,不過就算有人肯願意跟著我,我想
我最多只會助養兒童,生與唔生並不是我一個人話事

結婚2

成排兄弟姊姊





新郎哥係咪有o的似....


提起結婚去飲,真係最怕無人call.今日去見到部分舊同學,個個唔係
拖男帶女,就係有一番成,有o的甚至快將結婚,恭喜人家之餘亦要問
問自己離開校園10年來做過了甚麼,去話俾人聽自己有乜成就


人生在世,最快樂莫過於高中狀元和結婚之時,祝這對新人永遠幸福
快樂

結婚

一對新人

每一個飲宴,總係唔少得--橙!!

下個月論到舊同學結婚,幾時到我?睇怕都要等等

PS:如果有心機搵舊文,會見到兩年前曾經打算送份禮物俾人,個份禮物的確係二手和記行(0720)股票,當時買入價無記錯$0.438,最後無送俾人,至於那手股票已經放o左,今時今日720價值係$1.13,有時有o的野你無預計會升定跌,但做人有時都要點恆心,$0.4 vs 1.13...

喪煲中

楊千嬅 - 集體回憶

作曲: 陳台証
填詞: 林夕
編曲: 陳台証
監製: 陳台証

你說你記得轉門牌 無奈旅館結業剩餘花街 這傷感我了解
我說我也一樣在捱 人總要長大 消失的便當 難道會回到星街
紀念沿路鋪展都變名勝 原來悼念竟依賴眼睛
碼頭難讓我渡過彼岸旅程 然而無限人做見證 拆卸了的心境

爲何還在看海 不看開 眼淚無憑無據 只得感慨
我們同渡滄海 看著時代不再
前塵全被覆蓋 還靠記憶戀愛 應悔改

你我也要感謝未來 人早已不再
輕舟怎乘載 陪著你浮過苦海
掛念何用依戀古老名勝 情人面目早照耀眼睛
碼頭存在也沒法可再做旅程
隨時代巨輪在壓碎 過氣了的陰影

爲何還在看海 不看開 眼淚無憑無據 只得感慨
我們同渡滄海 看著時代不再 前塵全被覆蓋 何以固執不改
爲何還在看海 不放開 眼淚無憑無據 都只能感慨
繁榮隨頑石化開 不堪往事連載
難道靠泥濘 懷念你漫長舊愛

爲何還在看海 不看開 眼淚無憑無據 只得感慨
我們同渡滄海 看著時代不再 前塵全被覆蓋 何以固執不改
沙礫早已淹蓋 舊時代 往事如何連載 他音容不再
紅塵如蓮葉散開 始終有人憐愛
誰獨處泥濘 懷念到沒人願愛
---

偷下懶先!

作為楊氏粉絲,每首歌總係想推介俾人,呢首都唔例外

轉會後第2 plug,比起《化》無咁搶耳,但細味歌詞更
值得口味:當你與她/他不在一起時,只係不斷諗番起佢,
回味回憶,定係令自己活得更好,不要再諗起佢.


同《化》做人要看化一點相似意思,就算碼頭未拆,你的
愛早已不在,更何況碼頭已拆,要諗都無意思,何不努力
面對將來,去搵一個新對象

Summer is coming!

夏天來臨了!(如果你跟中國傳統要過五月初五先計既話)

每年一到夏天,總係想做好多野,呢度買下野,個度hea下,
甚至年年請番三五七日假,唔想返工,更加唔想係屋企,日日
四圍跑跑跑,跑到成身汗頭又一day

唔知你準備今年夏天會搞乜,不過我今年應該唔太得閒,有人
結婚,又有個大肚婆準備生得,睇怕呢個summer都要準備筆錢
做人情買賀禮,同埋留定個肚飲喜酒!

PS:呢期無乜水,有無計

嬲

我有無嬲過人,有,教車師傅,教d唔教d,只係掛住聽
股票,結果又要俾錢學車

我有無嬲過人,有,已走同事甲,講你又唔聽,做錯晒
又要再講過,你話唔嬲就真係假

我有無嬲過人,有,楊千嬅,今日去中環ifc間city
super買野飲偏偏見到你.不過唔太想有正面接觸,
一來唔想中狗仔隊(被人影到俾人笑到面都黃),二
來又唔想學班收銀姐姐點問佢囉簽名,最重要係成
身汗臭自己都想快o的返屋企換衫,咪行咁近!

我有無嬲過人,有,B哥哥,個日去跑馬地開工,你就
係祥興門口走出來,差點被你撞到,好彩無事,希望
附近無狗仔影到,否則有排俾人笑

我有無嬲過人,有,係你,嬲到要入醫院,希望只係小
事,否則又要晚晚發惡夢

我有無嬲過人,有,係我自己,將朋友blog講既野以
為係講緊自己,明明講緊阿.先生,我有名有姓,而且
朋友相識滿天下,要講要數都未輪到我呢個小薯仔

呢期又無點嬲過人,只係將幾個msn封鎖下,因為需要
時間去諗大家關係應該係點,始終識o左太耐既無火花,
最重要係大家誤會太多,係時間需要冷靜一下.

其實咁耐以來最嬲自己係唔知點應付某些人,特別係女
性,有時連溝通都出問題,或者我真係要認真考慮去轉換
環境,不論工作朋友以至愛人.

PS:張職員證終於要換,包括張相同埋個公司名,新人
事新作風,希望工作順利,唔好日日又見星,大佬,我唔
係做狗仔,我無需要見到artist!

熱

天氣開始熱,對於本人o黎講簡直係又愛又根,愛既當然係太陽晒,
可以去玩,唔鍾意既除o左晒到個人變黑頭外,最重要係成日出汗,
搞到個人成身臭味...

今個暑假唔知你又想去邊度玩?不過玩還玩,記得買番份手信俾我!

做．運動

煙火過後,仲有無記得要做運動(康文署圖片)

唔知仲有無記得全港第一屆運動會,上月在小西灣運動場開幕的活動?

以下係今次活動結果(來源:康文署)

體育比賽成績

體育比賽項目 總冠軍 總亞軍 總季軍 乒乓球 葵青區 元朗區 屯門區 羽毛球 屯門區 大埔區 九龍城區 籃球 葵青區 深水埗區 元朗區 田徑 沙田區 葵青區 屯門區

有無發覺搞完囉埋冠軍都好似唔關你事,就算你住大埔都唔知

自己個區囉全港羽毛球總亞軍,住在沙田的我更加唔知田徑囉

冠軍

事不關己,己不勞心,無錯呢o的比賽的確幾唔關事,但英格蘭那

邊足球事業可以令不少人花時間花精神去研究場比賽踢成點

(特別當你俾錢去馬會之後),點解發生在自己身邊的事竟視若

無睹,所以今個星期日,扮考順仔又好,真心又好,要關心英格蘭

那邊足球,倒不如關心你身邊至親好過

PS:天色太靚,又唔潮濕,如果夏天可以keep住低相對濕度睇怕

今年可以睇少幾日冷氣

堅持...

有時都幾服顏福偉先生那位堅持同勇氣,幫佢賣個小廣告先

和興80週年誌慶禮品換領大優惠
現凡攜帶於香港購買之和興白花油2007年4月16日起之單據
到和興白花油於灣仔寫字樓便可以免費換領福仔電話繩擦或福仔鎖匙扣乙個
及以優惠價購買:
福仔不倒財神: $10，
和興白花油愛多80年T-shirt: $10，
福仔環保袋 : (即將換領)
顏福偉“奔向明天”CD+VCD乙張:$20，共四款各乙件，
即每款最多只能換一件。

可能有機會索得顏福偉先生親筆簽名及合照(註: 必須自備相機)。
由於數量有限，送完即止，優惠期至5月31日。
如有任何查詢可致電市場部: 2881 7713 黃先生

廣告時間完結

回正題,做人要堅持好多野,堅持日日食早餐,或者要搵
到一份工,一個人等,甚至堅持要自己完成所有工作,作
為一個成人,好多野唔係你想堅持就要做,正如當你明
知不可為而為之,無錯有人會欣賞你既堅持,但有更多
人笑你既"堅持"

做人要堅持,我諗有些事的確不可再堅持,因為俾你堅
持都係無人會欣賞,咁做又有何意義,倒不如想想辦法
搵多o的錢,或者轉o左份新工,因為我實在太窮.有些人
你不會等到,有些事係不會發生.

PS:你無嬲我,只係我不斷問自己為何仲要繼續堅持同
固執,我只係嬲自己咁多年來不進反退,朋友一個一個離
開,除了係我自己做錯外,我諗再無其他原因可以解釋

字打得太多,有心睇晒既多謝你,blogger

投訴是何物

投訴,你同我或許成日都會做既事

投訴內容如果成立,被投訴既除o左心情唔好,同要為
事件負責外,最重要係吸收經驗,唔好再次重複犯錯

作為一個僱員,收投訴可以講收唔少,由你老闆顧客以
至你屋企人都有發出過,甚至連自己有時都要投訴下
自己,點解會買o左呢對ram,早知遲幾日先買,價錢平
多幾十蚊...

近日睇報紙,見到兩單新聞都關於投訴,一個投訴住
旅舍,另一個就投訴食肆食物有釘,結果要入醫院,但
背後其實係一單詐騙案

投訴是否成立,除o左睇投訴人損失幾多,投訴人係咪
係知情情況下去用呢個服務,最重要係投訴人本身立
場同身份係乜:交遊團來港目的係做交遊表演,又唔係
去觀光購物,而且報名時已經講係住旅舍,到港後先講
點解唔係住酒店,口同鼻坳結果大家蝕底

至於另一個投訴人立心不良,企圖欺騙食肆,結果當然
係俾警方拉o左

近年太多人識得去投訴,無錯自己岩定錯都先投訴一番,
希望將自己利益合理化和最大化,無錯一次半次或者可
以成功,但正如早前所言,投訴是否成立,本身有無負個責
任先?如果只是懂得諉過他人,推卸自己責任,最終後果咪
又係自己承擔,世界是互動,出得o黎行,預o左要還,食飯係
要俾錢

PS:我唔知你有無睇到呢個blog,睇唔睇到都唔重要.每個
人要為自己做過的事負責,雖然只是芝麻綠豆小事一單,根
本唔值得嬲甚麼,但在我而言,你這朋友我真的再不懂去面
對,叫你做我情人已經再無可能;叫你做我朋友又有點格格
不入,與你世界這麼近,那麼遠,甚至有點生疏陌生感覺

希望你的願望可以早日實現,免得再為此去想得太多,同埋
可以搵到一個識送花的朋友.我沒有甚麼交給你,我搵錢唔
多,搵到都要俾晒銀行,只可以送個真心.

電視劇橋段實太老土,天長地久,美女與野獸,真心打動還是
交番俾肥皂劇,返回現實再努力過,朋友與我!

學車

有時覺得香港班司機要再學習一番

做學生今年都做唔少,學商業,學電腦,學剪片,甚至學埋點用AI,
學咁多總係唔及學駕車咁多野想講

有人話學車要睇天資,無錯天資係可以幫你理解師傅講乜,但更
重要係那個師傅教得好唔好,教你開車技巧同手勢,亦影響你日
後駕駛心態係點.

講老實我今次跟那個師傅唔係差,只係嫌佢講又唔多,實際做又
唔見得有效,特別當懂上困難時,根本同你理解既相反,正如當你
調頭泊位出現問題時,點去救車佢就無點提過,只係話你跟住條
線就得

一個無信心既人做事多是失敗收場,而信心是建基於手上有幾
多掌握之中,我學o左咁耐,講真出街行車還可以,但叫我泊位調
頭真係唔太得,始終練得少,成日有mistake,加上連基本學神要
知既野又知D唔知D,結果當然失敗而回

所以有時明學院教人係低低地,但俾番個信心你,同埋執正手勢,
對日後駕駛點都有幫助,希望今次成功!因為使O左太多錢,有無
人可以幫我!

勞動

五月一日勞動節

對於香港呢個日日勞動既社會,呢個節目其實有等於無,
試問問身邊朋友,除非佢係放銀行假,否則根本對呢個節
日無感覺,因為放完第二天又要勞動過,唔似國內朋友,大
可放番個long holiday

五月一日勞動節
聽講會有好多遊行示威,要求立法保障員工,最低工資最高
工時總會係遊行重點,個人唔反對遊行,亦唔反對立法,但總
覺得以香港班老闆性格,連外傭每月最少三千六都要刻扣得
番二千一,你話要佢地肯跟住法例去出人工,除非要求每個工
人出糧都要向政府申報,否則都係晒氣

五月一日勞動節
男仕要勞動下,香港人每年同愛侶親親次數全球低無可低,正
當香港住宅越起越高,但生活質素就不斷下降,唔通呢個係國
際大都會必然條件?

五月一日勞動節
過多十幾日又到母親節,你諗o左今年去邊?飲茶食飯去旅行,
out la,倒不如做番母親一日,又或者唔好個日慶祝,將筆錢俾
番你阿媽使,好過買埋o的無謂野,等食飯飲茶等到叫救命

五月一日勞動節
我又要去勞動一番,放貨入貨又放貨,貨如輪轉,祝我賺多D

好痛>.<

每個人都有病同唔舒服既時候,對我o黎講成日都病,
傷風感冒以至喇都唔少,上年更試過胃痛到要入醫院
照胃鏡,雖然無事,但為止擔心不下數百次

近期左頸痛,痛o左幾日係咁搞都係咁痛,上網check話
可能訓奀頸後有類似情況而無改善要睇睇醫生,睇怕
又要花多幾百元同醫生傾下計

4月又再凍過,真係未過農曆五月寒衣都唔可以收埋...

祝自己日日都健康,唔好成日病

春天是

春天到,屋企濕淋淋,最怕鏡頭相機發霉,整又貴又麻煩,有時間要
快買個防潮箱

今個春天香港舉辦第二屆音樂匯展,同時間有兩張唱片推出,一
張叫《寶麗金傳》,另一張叫《金曲巨星串》,兩張碟共通點都
係唱好舊歌,唔知既以為香港樂壇已死,真係唔明大會點解連一
首新歌都唔去作,唱來唱去都係舊歌,你唔悶樂迷都叫苦連天.

成日叫人要買碟,買都要買張有質素既碟,無錯楊州炒飯可以頂
住個肚唔會餓死,但日日食炒飯你唔悶煮個班人都叫悶.香港成
日話自己係東方荷李活,創意之都,唔通不斷翻炒都叫創意,如果
係既樂壇再無作曲填詞人,只有編曲同mixer

轉季令人容易病倒,香港人成日訓得唔好,精神壓力大,又無好好
運動,結果病既機會上升不少,自己成日都病,朋友笑言每次見面
總有藥丸跟身

希望明天會是晴天

趕

追追趕趕,香港人每日口中既金句

香港人成日都咁趕,不論跑馬拉松衝住去報名,衝住去水站,
定係衝住等人救,乜都要衝一餐

擒日股市跌得好勁,個個趕住去放股票,講真股票唔太懂,
除o左當年公司那份股票同埋曾經諗過送俾人既股票外,
呢家野真係唔易玩,而家仲有甚麼輪/證,有珠珠上電視
教人講輪真係睇唔明

Debate vs 答問大會

奇怪奇怪,今晚睇完那場特首show,真係不吐不快,要講唔係邊個
候選人 講得好(嚴格講係應該只得一個勝利者同埋一個人上台
吹風90分鐘). 而係覺得呢場叫答問大會有點不對,答問會以香港
style應該只得一個人(組合)俾人"狂"問先叫答問會,但今晚台上連
司儀成3個人,又點可能叫答問會?叫辯論又好似格格不入,又唔可以
就一個議題與會者debate一餐,更無現場觀眾噓下叫下,來來去去只
拍手掌,同外國同級show真係相差幾十萬倍!

唔講佢係咪debate,今晚睇完,好悶,悶唔係議題悶,或者兩位候選人
講野悶,甚至大家鬥開幾多張空頭支票,而係悶在大家解決問題方式
只得兩種.一個就話只要咁咁咁,我o地就可以解決問題;另一個話要
做份proposal,要全體人同意,再要下中央有無放風,領導人點講,再跟
手先考慮去做.兩個人做事一個太理想化,另一個就太官僚化,一o的
都無跟住時代去走.

做領導人要有知識遠見心胸外,最重要都係把口,所謂人人都係
artist,人人都要做好自己角色.你係特首,講句說話要有力量,可以
一針見血,而唔係做縮頭龜,下下兜足四五個圈都未入題.大佬,你話
今年年中整份proposal講普選,以你口材上中央傾時間表,怕未入
正題已經舉手投降

未來5年都應該都係曾生做特首,做唔做好呢份工我唔知,我只係想
知幾時有老闆做,可以一人一票選下,好過係電視機面前,
有得睇無得玩,好似呢期有線播意乙一樣,有得睇無得(足智彩)玩

新年快

新一年真係乜都有可能

新年快樂!今日先講真係好遲

今個新年無去拜年,去得最多反而係大球場,無錯係大球場,

初一初四初六三場波睇晒,如果有時間開電視應該會見到

我坐係看台睇緊波

新年總希望有新意,或者許下一些願望可以實現,不過今年

只希望身體健康,因為自己新年又病,腸胃問題的確困擾多

年,真的希望豬年可以再無病痛

新鏡頭用o左唔夠兩個月就要入廠,原因都只係自己唔小心,

亂咁放支鏡,結果鏡頭由背袋跌落地,幸好傷勢唔嚴重,返廠

拆filter就無事,今年都係要小心做人

P.S.:4月17日要考牌,但到今日為止都仲未約個教車師傅學

車,真係唔知自己點去考?

澳門

很久沒去過的地方,環境仍舊,但人面全非

澳門,唔少人一得閒就去既地方,特別係男性更加熱切.

今次過澳門除了因為好耐無去,最重要係有些事要做,和有些朋友想見
見面,同朋友傾起澳門發展,真係有點像十多年前的香港,大興土木,但
同時問題多多

澳門變得最多既,唔止係賭場多,連地盤都多過人,無份地圖在手真係差
點唔認得o的路

手信無點買過,講真杏仁餅豬肉干香港都有,又何需去澳門買...

PS:澳門空氣的確差了,街上既車唔再單純來自日本

新開始由菜街出發

一支鏡頭,一個file,花費等同成月人工













有些事總不可能拖著去做,要的起心肝去完成,免得又過幾年後回想時怕
無做過甚麼

今天天氣實在太寒冷,某程上係唔太想出街,為了朋友K先生找佢支鏡頭,結果深水步旺角尖沙咀全部去晒,但答案只係得個等字,真係有錢買都唔該等等

去到旺角遇見K先生,差點唔認得佢,雖然只係無見一個月,但那個髮形實在要請教一番,成個旺角遊人唔算多,可能同天氣有關,行晒成條菜街行晒,K先生想要鏡頭一係無貨,一係要俾多千元先有交易,最終只得我買了第一
支紅圈鏡頭--一支講o左足5年先買既鏡頭

買完鏡,想起學車大計未完成,於是繼續在菜街遊行,完本sale處處的菜街無晒人,原因係食環署洗街洗得徹底,連易拉架都沒收,又何來有sales同你social,幸好都找到間駕駛學校(係學校,不是學院)sales,成個交易不
消20分鐘,總結今天消費,足足等同成個月人工,看來又要同銀行打工...

新一年,由菜街出發

2007．除．想．谷

2007年來臨,對自己o黎講第一件事唔係張繼聰做人老公,
或者容祖兒係天鵝定深井燒鵝,而係身邊那位女仕朋友終
於有拖拍,不過經驗話覺得一係超長久,一係就即日鮮,
T+2日後就要完結交收,真係唔知係前定後,祝佢好運

除夕夜係朋友家中睇電視渡過,有時覺得每年countdown
其實幾悶,有點係為做場show於是就要countdown,正如
每年年頭年尾總有甚麼大事回顧,新一年展望.不過自己順
下潮流,都整番個新一年展望.希望今年可以變,變既唔係外
形上,或者器材上(當然有人換樓係不錯),最重要係心境上,
減少衝動,多點關心和愛別人,放下個副以為好形既cold樣,
同埋最重要係留心,我o地miss既實在太多,如果再唔留心去
珍惜,就算再花幾多錢都係無功而還

想o左好耐既考車大計終於落實執行,成日覺得30歲前點都要
有o的野楂手,就無算樓無車無女友無事業,但點都要有番張駕
駛執照同埋一張沙紙,所以07年,請你們幫我,為張紙力!

谷底再上路,2007年,各位努力