泰國之旅．念

2004年,一個最自私既決定,成全一個古怪既旅程

每個人都會有第一次,第一次約人出街,第一次拖手,第一次...

2004年冬天,終於學人坐飛機去旅行,一個錢銀有限兼經驗不足
既人帶隊,自然錯漏百出兼令團友失望又失望,到今時今日有時
會諗如果plan好o的,起碼唔使去到先再度去邊度玩,或者唔使囉
住幾百件行李去跳蚤市場(但個場都未開門),同時唔會搞到大家
唔開心

所以做人點都要有幾手計劃,否則只會自己蝕底

PS:我曾經講過有機會3個人齊齊去東京,希望願望可成真

(不)愛你講道理

我愛你,不過你只愛你自己;
我愛你,不過你別有新對象;
我愛你,不過你愛上你的工作;
我愛你,不過你愛既係你朋友;
我愛你,不過你只當我老細辦;
我愛你,不過你性格與我不合;
我愛你,不過你話我人太老土;
我愛你,不過我身家只得五百;
我愛你,不過你跟他人更投契;
我愛你,不過你話我似親人多;
我愛你,不過你和愛人未分手;
.
.
.
.
講到尾,其實你唔愛我就已經係
最大原因,要諗十萬八千個理解,
何不簡單一句就可以?都市人,
講說話無需要兜大圈...

140度的中環

明天今日,這片"綠洲"會變成點?











香港,一個不斷拆卸再興建的社會,不少舊東西一方面拆卸,但同時間又再起了一些
仿古建築物,話要保留歷史

香港,一個近年被空氣污染搞到頭昏腦脹的城市,近日空氣污染同恆生指數一樣咁高,
昨日中環空氣污染指數曾高達140!

昨日的香港,空氣污染指數高的日子,但仍然有不少人企在碼頭旁,拍照又好,坐船又
好,甚至寫大字報要求保留.香港不知由那日開始話要保存舊歷史,要保留自家文化,
但保留文化同時又無想辦法令這種文化繼續生存或好好運用,正如舊機場已經拆卸,
留下來既只得觀景台那幾塊玻璃,相對西班牙甚至澳門,香港那種保存文化方式真的
令人大開眼界!

每個地區發展,難免要拆卸或重建某些樓宇,當今日大家話要保留天星鐘樓時,咁點
解當日佐敦汽車渡輪要拆時無人話要懷念一番?我諗佐敦帶來既歷史意義同天星碼頭都相近

香港人,今天的事會變成明天的歷史,不要讓自己白過

生日快樂

今天不是我生日,如果我係台灣人我怕今日會著紅衫去齊
齊玩墨攻

今天不是我生日,如果我係10月10日生日,我怕年年生日
禮物一係就某個台既電話咭,或者係叫我打邊爐,拾下拾
下(10下10下)

今天不是我生日,如果我今日生日,我怕我會悶死,因為今
日不是星期六,又無波踢,又無馬跑,更加唔會有人識去卡
拉ok唱爆喉嚨

今天不是我生日,如果我要去慶祝,實有人要我扮可愛教主,
做個反V手勢,順手唱埋首慶祝

今天不是我生日,如果有人肯送個德國大公仔,我怕我會感
動半秒,之後要諗擺係我間房,定係office個reception

今天不是我生日,如果我要做攝影師,我一定唔會做報館,
因為無得玩菲林相,很悶很悶

今天不是我生日,如果我要改變形象,首先要頭髮有咁長得
咁長,身高OK la,最重要係食極唔肥

今天不是我生日,如果今日全日有人陪我,我諗起碼唔會係
鄭伊健,起碼我唔識打羽毛球同埋拍戲唱歌

今天不是我生日,如果我生日日期可以任我揀,我諗點都唔
會係4月,因為4月實在太悶,日日唔係落雨,就係天黑黑,
諗起都想訓!

今天不是我生日,如果今日係我生日,我諗上面呢9行說話應
該唔會係真,至少我唔係主角,我只係一個旁觀者--
生日快樂,F小姐!

中秋表心意

又到中秋...

每天到呢個時候,除o左要囉番條黃色N品牌外套著之外,又開始諗今個中秋點過

早幾年都還會和舊同學聚聚舊,但今年真係唔知大家太忙,還是忘記了,已經無再
話搞乜節目去聚一聚

今個十月假日多,國慶中秋再加埋月尾重九,睇怕你諗去邊度玩都要花精神去諗

中秋節最大節目唔係食月餅,唔係玩煲蠟,而係諗你身邊既朋友情人和最重要的
家人係點,辛勞大半年,都係時候坐低食番餐飯,可能你每天都對著你家人一起
食飯,但過時過節,老土點都還是講句:回家食飯!

過完中秋後,工作繼續,但開始加重,除了因為要開新書,最重要係職務重新編排.
要負責既再不止是找找寫寫,copy and paste,或者執錯處,而係開始落手落腳
點去搞一本書,真係正宗一腳踢.希望上天保佑我有能力去完成新既任務,因為知
自己時間有限,工作開始多,仲要搞返學那些group project(2份!)同埋assignment

PS:我都想問自己而家個job title應該叫乜,朋友常問做咁多年都係呢個title,
始乎應該係咪要改變,升又好,改名又好,至少都問清楚

懶

有時做人無時無刻都想偷下懶,所以唔少科學家發明唔少產品去為呢
班懶人解決問題.不過任何事總有代價,有得必有失,正如電視遙控令
唔少人唔係走去電視機面前熄機,但結果呢個動作輕既浪費唔少電力,
重則可能會發生火災!

工作上偷懶會令人有所誤會,一張memo乜都唔改,只係求其改幾粒字,
copy and paste就算,結果當然係錯漏百出,笑大人個口;感情上講
句"我愛你"其實成本不大,但遍遍大家懶唔講,如果開口講呢句話仲辛
苦過生仔,我諗唔少人肚皮日日脂肪同車胎人有得fight.

懶寫blog可以有不少理由,工作忙,無時間無靈感,不過講來講到最大
原因係恆心不足,或者香港人較喜歡收埋自己,有o的事講出來寫出來
其實幫到既係自己.

希望我仲有恆心去繼續寫下去

PS:有無辦法可以唔好次次按esc掣就自動幫我洗文,我又再次中招!

情緒病

香港人工作壓力大,生活緊張,加上四方八面的事,好易令人
產生精神問題,嚴重既更會變成抑鬱症或焦慮症

最近睇o左兩個網頁簡介呢兩種情緒病問題:

抑鬱症
http://www.mingpaohealth.com/cfm/medical3.cfm?File=Archive/disease/spmtd.txt

焦慮症
http://www.hku.hk/uhs/he/stress/amb/02.htm

不妨睇下,順手見字得閒打俾我,我覺得自己好病

很悶的一周

呢期睇報紙又好,電視新聞又好,講來講去都係一單偷拍新聞餘波問題

從道德上偷拍唔係岩既行為,不論你偷拍黃伯同陳太打牙骹,定係葉小姐
偷情,按理係唔合道德(注意係道德,香港無法例講偷拍).不過就算俾你
偷拍又如何,呢個年代只睇表面,從無深究,結果只係換來一星期日日重複
又重複既聲討新聞,真係唔知有乜咁值得再講再做頭條

呢單新聞可以睇到既,邊個係真心聲討,邊個真心關注事件,邊個從中借機
"抽水""混水摸魚",真係牛鬼蛇神通通現形,正如朋友所言:
呢單新聞如果唔係:
1.某唱片公司旗下女歌手發生
2.某傳媒機構下既雜誌
又何來會有成超過二千多投訴,日日上頭條...

所以今個星期最值得節目,都係推介無記晚上12:15做個套電視劇

工作與生活

常言道:工作時工作,遊戲時遊戲,不過係香港呢個返工等同簽下結婚證書,
一樣要天長地久,唔簽休書真係唔使諗點有得休息.辛苦晒各位打工仔!

自己作為某公司一份子,老實講每日返工放工外,基本上其他部門做緊乜野
我唔會知,就算知老實講我比外人知既更少,有時連自己都唔知點面對.

做得呢間公司就預左俾人鬧,鬧我既唔止係親戚朋友,連我媽媽都間唔中整
幾句,呢個時候真係唔知俾乜反應好.呢期鬧得仲勁,原因不外乎一件與我無
關的事,甚至乎根本唔會係我呢邊發生既事,不過鬼叫你收得呢間公司人工,
人人就自然問多幾句.雖然我明白好多都只係無聊笑話,但講得多真係笑gag
變cheap gag,既唔好笑又唔知點俾反應.

或者呢個社會人人都有壓力,當有地方可以俾大家發洩時就盡情地鬧,盡情地
表達不滿,但發洩過後大家生活如常,大家好像無件事發生過,人係善忘動物,
今天發生了明天再來過,日復日;年復年,究竟係人腦記唔晒咁多件事,還是事
件令人腦子無法記存.

林夕

香港近年流行樂壇作詞作得最多既,首推林夕,梁偉文(林夕)近10年來
寫既除左k式情情愛愛外,間中又整番幾首歌講下人生道理,雖然好多人
話林夕寫來寫去都係無新意,但至少水準keep得住,當然有D歌好似"男人
心 一字馬"真係俾你諗百次都唔會明點解,不過當有一首好歌時,真係叫
你再三回味

近期play得最多既係古巨基首《愛得太遲》,最初聽覺得無特別,因為首歌編曲
講真就麻麻地,但睇晒成首詞,的確值得思考,其中一句係:

愛一個字　也需要及時　只差一秒 心聲都已變歷史

簡單,但當中既道理講得幾好,有網友與《Shall We Talk》一齊討論,不過
我覺得《愛得太遲》其實係將《Shall We Talk》加《葡萄成熟時》道理
(Shall講父子情;葡就愛情+自己鍚自己)

首歌另外一對歌詞想推介係:

忙極亦放肆　見我愛見的相知 要抱要吻要怎麼也好 偏要推說等下一次

為何未放肆　見我愛見的相知 要抱要吻要怎麼也好　不要相信一切有下次

一個首尾呼應,更講得出呢個年代既冷莫,不要相信還有下次,人生無幾多次,
正如《阿信的故事》首主題曲《信》既其中一句:

誰會珍惜 當你還擁有 將要逝去 總想挽留 想挽留想挽留 看似荒謬
求今天所得　永遠守

寫野

自6月後已經無再update個blog,一來太多事發生,二來實在唔知想寫,
寫自己近況真係打個電話俾我仲實際,寫近期發生既事又唔知點回應好,
你話寫乜先岩咀型.

近期自己要處理關於遊河既問題,說真的有時唔知點消化呢批問題,當看
見其他同類活動時,又會諗自己那個會搞成點,被人鬧事小,最大問題都
係過唔到自己個關,可能我呢份實在唔去認真學會放低壓力.

星期二又一新挑戰,唔知得唔得?

沉重

很抱歉,呢期有事.我會慢慢解釋

Update個Blog

足足37日無update過呢個blog,如果真係有心睇呢個blog既朋友,
我要講句:sorry!除了工作忙,我諗我既懶惰病又再病發,日日上網
check mail但總唔會理o的相,連上年3月影落既相到今日為止都未
改好名入番落個folder度,仲話要7月整好個powerpoint(PS:有無
人識點將個powerpoint每頁張相都可以固定係一個位置,唔使下下
要拉張相,唔該晒!)

呢37日香港發生過唔少事,巴士阿叔變成長篇鬧劇;森美小儀為一個
投票而封咪2個月;甚至搭的士都可以跌落地,真係日日有新事,打開
報紙仲精彩過睇電視劇

做人有時要的起心肝,放棄唔再理佢,唔再追係目標之一,另一目標係
開始諗點搵多o的錢,最近同同事傾起,要五年儲$20萬,每月最少要囉
$3000去儲;或者每月儲$5000,三年後就可達成目標,不過以我現時人
工同還債問題,要達成儲$20萬目標還要多等五年....

要達成目標還需要時間,但要時間去打動一個人唔係話要用幾多年時間
去做,可能俾你用10年時間都無法完成,又或者俾你3分鐘內就可令人
死心塌地.朋友甲和朋友乙雖然相識多年,但因不同原理而離開了,雖然
大家想法和理念已經與以前不同,不過朋友一場,都希望下次見面時不會
如陌路人一般.至於朋友丙和朋友丁,很抱歉,雖然我的確想和您一起,但
我都是無辦法打動你個心,還是讓給其他人.

雜念

~很多東西想做,例如早點起身,但當要做既時候就提不起勁去做,
係無恆心,定係力不從心

~看見blog越開越多,明星平凡人都人人都要blog一番,但內容都
是生活上既雜事,真正用心去做既唔多,係太忙,定係抱著人有我有,
根本無上心去寫

~今個月假期特別多,又五一佛誕端午,但個天總係落下雨,有無放假
根本唔重要,最重要放假你同邊個放

~部單鏡數碼機又入廠,數數下已經入廠無數次,真係有時覺得買機還
是一手好,起碼知佢有無病

~今年新女歌手多的是,但來來去去都係王靖雯王菲同埋王靖雯,乜香港
人咁愛懷舊地步只要別人影子,不要自我風格,甚至不再接受外來新事
物,不過今年同上年一樣,個名2個字點都好過3個字

洗手間

你每天要去幾多次洗手間?香港咁多洗手間,除了家中和公司那個
外,去得最多係邊個洗手間,同那一個廁間?

香港各商場寫字樓都設有洗手間,雖然地位看來不重要,但如果能夠
包裝得體,用得舒服,自然可帶動人流,好像以前去旺角行人專區,總會
想起去靈基(唔知有無打錯)旁那個洗手間,去完就自然順手打番鋪機,
人流與生意就是這樣帶出來

一個小小的洗手間除了可帶動人流外,洗手間既清潔衛生程度反映該場
所負責人對顧客係抱住乜野態度,正如旺區那個細小廁格,真係有時唔
太願意去想,因為環境實在太差,就算食品再幾好食,都只會令人印象大
減;又例如房署旗下商場廁所,不少都是水喉長開,地面濕滑,去得唔舒
服,唔通房署提供既只是最基本既洗手間,其餘既就祝君好運?

所以任何時候不要看輕這個場所,有無生意就在此處,講到呢度係時候
交下貨仔,再見!

PS:禮物,多晒!

睇醫生

呢期去得最多可以話係醫務所,我諗加埋總數仲多過去
模型鋪睇車仔,每次去總係獲益良多,看盡人生百態,可
以試過等囉藥仲埋過等睇醫生,亦試過囉同一種藥次次
收唔同價錢問題,所以下次睇醫生,都係囉定booking,
免得等到魚兒也謝了就大件事

15/16

有無睇過星期日晚那個15/16遊戲節目?老實講呢個game設計真係無花臣,
用番最原始既問問題俾答案,收視成績的確唔錯,唔通簡單就是美,還原基本
步先得人鍾意

人生中總有不少15/16位,要你二揀一,揀得好當然無事,揀錯o左有得返轉頭
還好,否則只會一世都記著那個錯誤決定,所以有時都幾怕要做15/16既參加者,
情願早已有定案

胃痛暫時見好,醫生建議食多幾天藥,雖然胃炎不是太大病,但處理唔好好易出事,
所以各位呢期唔好叫我食辣野飲酒,個胃頂唔順!

PS:繼續等待大家份禮,多晒!

胃痛

胃痛真的很苦,食又食唔到野,又要睇醫生問問所謂何事,更
可能去照照胃鏡,很痛很痛,祝自己早日康復,唔使再俾錢睇
專科同埋照胃鏡

三月天,毛毛雨,農夫有雨水幫助耕作,但現代人就怕落雨,
因為戶外活動通通搞不成,最重要還是滿屋萬國旗,衣服何
時才可再穿,擁有相機的你又要擔心部機會唔會出毛病

PS:祝各位身體健康,送定份禮俾我,多晒!

科技與質素

要首好音樂都要大費周章,為乜?










香港唱片近年已經少買,除了因為家中沒有地方儲放,二來開始無乜邊個歌手
真係肯願意花錢去買佢張碟,老實講有時又不太想為一首歌而買下成張唱片,
既不合付成本效益,加上近年轉用mp3機,聽歌習慣唔單以一張碟計算,所以
覺得eolasia其實係一家不錯既賣歌公司,但如果有香港版itunes store
就更完美

昨日買了兩張唱片,一張是電視劇既唱片,另一張是容祖兒新碟,因為家中愛
用iTune,將歌曲轉成mp3存入iPod同MP3機內,於是將唱片放進光碟盤上,
電視劇唱片不消一會已經自動完成,但容祖兒那張搞來搞去,首先iTunes並
不接受有版權的WMA檔案,二來就算用唱片上那種方法都無法將歌曲存入iPod
內,過了一會就找朋友幫忙,他介紹了不同方法,如燒光碟,或將WMA變MP3,但
無一能做到,最後還是放棄

無錯非法上下載的確影響唱片銷量,但歌迷既是有心買唱片聽,又何必設下這
麼多的關卡去限制歌迷擁有歌曲,究竟香港唱片公司的高層是否仲用緊MD機
或Discman?又同時容許旗下歌手買iPod做MP3機代言人,那種矛盾真教人大
開眼界,難怪朋友笑言,好唱片無需用科技綁住你,只會用質素留住你,希望下
次買唱片後唔使搞到自己變成老翻工場,又要左copy右copy

大節過後

二月話咁快就完,要等節日放假既要等到4月先有得鬆一鬆

三月天開始春回大地,但跟隨其後既當然係潮濕同埋毛毛雨,
教人應該帶傘子?

今個月花得實在太多,有時想如果理財真的如某些廣告所言,
能夠盡在掌握,我諗我今日應該可以有錢請假去日本玩,不過
對於一個天生購物份子(仲要係電玩同玩呢類有跌無升的東西)
就更加難儲錢,看來要學朋友般每月上繳中央(呢個角色多數係
女仕負責,她們數口點都叻過我)

呢期無乜好碟值碟/歌值得介紹,唔知係大家越來越愛舊歌,還
是大家掛在口中的那句"新不如舊",正如近期個個話關淑怡好
睇,但我以一個90年代先開始聽歌既人,都識關淑怡一o的舊歌
(如難有得情人,De Da等),如果都走去睇,我怕會同上次睇
Eason演唱會一樣,好多歌都唔識,只係識坐係度拍手掌,俾唔
到反應

呢期最多人講應該係Oscar,斷背山大熱,慕尼黑好正,其他幾
套好hit,但我一套都未睇過,女性朋友天天開工,都無謂強迫
佢一齊睇戲

2月14的約會

一支,十一支定九十九支,才能表達你心意?

農曆新年,今年唔知點解特別快過,話咁快又要返工,結o左?同事真係要"恭喜發財"一番先.

數數手指,十天後女仕最愛日子又到了,收花收朱古力收禮物,男仕們你與他人(或者俾人)"恭喜發財"既錢又要付出,為討人歡喜,錢還是要花.

有時唔明,男仕花錢送禮俾女仕,女仕們是否真的喜歡那份禮物,正如每年農曆新年總不希望收某金字頭朱古力,但結果家中總會有多達數十盒的金字頭,原因都是家人買了一盒又收到一盒,循環不斷.

天氣變了,呢期又凍又熱,今個星期廿多度,下星期又話得番十五度,有時覺得人類欠這個大自然實在太多,搞到天氣每年都升溫,再咁落去,大家應該會同新加坡人一樣,全屋只得一種衫,因為再沒有冬天,又何需長袖衣服?

同事你好,近來不斷聽到是某人要離開公司,繼而有新人加入公司,一時間要面對新面孔之餘,又要面對舊人離開,這間公司總是"人來人往",能夠做超過三年已經係一種福份,或者一種忍耐

朋友你好,一時間又多幾個朋友話要結婚,連某位舊女同學都話結婚,又聽講有些朋友準備這年內就結束愛情長跑,沒有伴侶的你,二月十四如何過? 不妨告訴我知

PS:很久沒囉起相機,去影相影人影景,何時有空才能去做?

辛苦晒!

辛苦晒

呢期雖然唔使日日開夜,但一到農曆年前,總會幫朋友看檔,唔知今年使唔使做?
呢期家中總算安頓下來,家父無問題既呢幾天可以回家過年,一家人雖然日日
四出工作,但只要晚上回來吃吃飯,幾辛苦都是值得

新年快樂

新一年來了,短訊收不到,因為連send都send唔到,何來有得收?
新一年來了,壞事快快走,好野唔好俾佢停,日日都係happy day!
新一年來了,女友是誰人,而家答唔到,只知把口要識收,否則只會怠人嬲!
新一年來了,朋友結婚了,人情賀禮不可少,最次五百係公價,幾時到我有得收?
新一年來了,恭喜晒大家,恭喜自己全家,身體健康,講完!

New Year is coming,no SMS to me,since network is busy!
New Year is coming,no bad thing,good thing go go go!
New Year is coming,smiling and silent is better than who is my girlfriend.
New Year is coming,all friends are wed,gifts and $500 don't forget,when I?
New Year is coming,wish to all,wish to me,and my family,Always health and smile!Thanks!